Friday, August 07, 2015
GIANGKON sa Sicilian nga si Saverio Bellante, 36, nga gipatay niya ang iyang landlord nga si AI Tom O’Gorman, 39, sa ilang gipuy-an sa Beechpark Avenue sa Castleknock, Ireland niadtong Enero 11 sa miaging tuig human sila nagkalalis tungod sa chess.
Ilihok unta ni Saverio ang king pero giingnan siya ni Tom “perverse and stupid”. Ilang gitawgan ang lain nila nga amigo nga si Brendan Gallagher para mag-referee. Gitawgan sad ni Saverio ang iyang igsuong babaye sa Italy ug nisulti nga mafia ug omerta kuno, senyales kini nga naliso na iyang hunahuna.
Samtang naghuwat sila sa tubag ni Brendan, ang tan-aw ni Saverio kang Tom demonyo kuno ug kinahanglan patyon.
Nikuha siya og dumbbell ug kutsilyo ug giatake si Tom. Unya gikuha niya ang tuo nga baga ug gidala sa kusina ug gikaon. Abi niya kasingkasing kini ni Tom. Iyang gikaon ang kasingkasing kay si Tom ug matod niya, “Tom was taking away my freedom”. Iya unta lutoon pero nakadesisyon kini nga dii na lang.
Si state pathologist Marie Cassidy mitestigo nga nakita niya ang uban nga lung lobe pag-adto niya sa Beech Park.
Nitawag siy Saverio og 999 ug iyang gisulti nga “Thomas is dead I killed him with a knife.”
Psychiatrist, Dr Conor O’Neill, maoy primero miexamine ni Saverio pagka human ug aresto ug iya gisulti nga buang kaayo sia . Gipasulod dayon sa Central Mental Hospital bisan daghan pa ang naa sa waiting list.
Si Dr. Stephen Monks mitestigo sab sa korte nga niundang og inom ug anti-psychosis medication si Saverio bisan giingnan siya sa iyang doctor sa Sicily nga for life ang iya tambal.
Ang duha ka psychiatrists mitestigo nga “not guilty” si Saverio kay buang kini. Ilang gisulti nga schizophrenic siya ug acute psychosis adtong pagpatay niya kang Tom.
Ang abugado ni Saverio misulti sa korte nga naa siya’y history nga mental illness sa Sicily pa.
Gidesisyunan kini sa jury of 5 women and 7 men nga “not guilty” si Saverio sa miaging semana kay buang.
Si Tom relihiyuso ug minister sa Eucharist hasta sad si Saverio. Nagkaila sila sa Focolare movement.
Niangkon si Saverio nga sayop ang pagpatay apan kinahanglan kini niyang buhaton kay lagi demonyo si Tom sa iyang panan-aw.
Samtang nagkalalis sila nakita nia ang duha ka briquettes nga ang usa wala magsiga. Iya kining gihimong ehemplo nga ang ilang panaglalis “between good and evil.”
Obsessed kaayo si Saverio sa relihiyon ug usahay tibuok adlaw kining mag-ampo sa iyang balay sa Sicily. Usahay makamatngonan kini nga naa’y demonyo sa ilang balay.
Napuno ang ilang balay og religious books ug dili mogawas kon dili siya maka ampo.(boypestano@gmail.com)
No comments:
Post a Comment