Friday, July 31, 2015
MODUWA man gani ang mga buta kamo pa.
Naay grupo sa mga buta nga ang ngalan International Braille Chess Association (IBCA). Affiliated ni sa World Chess Federation. Naay sobra 50 ka nasud ang mga miyembro ug naa sad silay mga dagkong tournaments –the Blind Chess Olympiad ug Blind World Cup. Naa say tournaments kada tuig ang mga dagkong miyembro nga parehas sa Russia, USA, China ug India.
Ang founder sa IBCA mao si Reginald Walter Bonham niadtong 1958.
Ang mga buta moduwa og especial nga chess sets. 1. Ang mga piyesa nga itom mas taas kay sa puti ug 4mm ug naa say murag tungkoy sa taas.Inig hikap sa buta, mahibaw-an niya kon puti ug itom ba. 2.Kada square sa board naay lungag sa tunga para dili mahulog ug adto ibutang ang piyesa. 3. Ang tanan mga piyesa naay murag lansang sa ubos.
Isulti nila ang mga lihok ug isuwat sa scoresheet. Sa mga dagkong tournaments i-record ni sa usa ka tape recorder.
Ang primerong tournament sa mga buta didto giduwa sa Rheinbreitbach, Germany niadtong 1958. Ang champion mao si Bonham ug iya dayong gi-organize ang IBCA.
Ang primerong Olympiad para sa mga buta didto giduwa sa Meschede, Germany (1961). Ang Yugoslavia maoy champion.
Mao ni ang Olympiads para sa buta nga kung asa giduwa ug ang mga ni-champion: 1964 Kuhlongsborn Germany(Yugoslavia), 1972 Pula Crotia (Russia), 1976 Kourtane Finland (Russia), 1980 Noordwijkerhout Netherlands (Russia), 1985 Benidorm Spain (Russia), 1988 Zalagerszeg Hungary (Russia), 1992 Majorca Spain(Russia), 1996 Laguna Brazil (Russia), 2000 Zakopane Poland (Russia), 2004 Tarragona Spain (Poland) ,2008 Heraklion Crete (Russia), 2012 Chennai India (Russia).
Ang IBCA moapil pud sa regular nga chess Olympiads. Niadtong 2014 niapil sila sa 41st Olympiad sa Norway ug no. 78 sila sa 177 ka nasud. Mas maayo pa unta ang ilang resulta pero ang pinakamaayong player nila nga si Daniel Martin Pulvett (elo 2425 ) wa kaapil kay walay kuwarta gihatag ang gobiyerno.
Ang IBCA players nga niduwa sa Norway mao sila Pjotr Dukczewski, Yuri Mehskov, Jacek Stachanczyk, ug Oliver Mueller.
Ang mga babayeng buta niapil pud ug naka placed (82nd). Ang pinakamaayo moduwa nga si Daria Pustovoitova wala sad kaduwa kay naay sakit.Ang miyembro sa team sa mga babaye mao sila Lubov Zhitsova-Lisenko, Teresa Anna Stolarczyk, Debovska Shafiga Valner ug Yryna Zarubinskaya.
Naa say buta sa America nga unique moduwa ug chess. Si Albert Sandrin nga master na dili mohikap sa mga piesa. Isulti lang niya ang iyang lihok
No comments:
Post a Comment